PRIMEIRO CONGRESO FEMINISTA: MULLERES EN LOITA

Unha sociedade dividida entre consumidor@s e consumid@s onde a muller é unha «máquina expendedora» para os desexos do home.

O século XX rematou con significativos avances no diálogo social e no recoñecemento formal da mujer como ciudadana de pleno dereito. Quedaba pois, avanzar na traslación destes logros formais á súa aplicación material. Pero, iniciado o século XXI, ao tempo que o Feminismo segue reivindicando a súa axenda histórica, novas correntes de pensamiento tratan de promover a idea de que a explotación non é tal, e que abolila é, en realidade, unha maneira de restar liberdade ás explotadas.

Así, fronte a nosa reivindicación da abolición da explotación sexual ou do xénero como ferramienta de subordinación da muller, os defensores desta nova filosofía existencial esixen a regularización destas, así como de novas maneiras de explotar á muller, como o alugueiro do seu corpo para xestar bebés de deseño, todo isto acompañado dunha ben esponsorizada campaña mediática que renomea, a través da neolinguaxe, o que antes era explotación como empoderamiento e libre albedrío.

Compre, pois, unha análise global que permita entender como, por que e quen está construíndo este novo paradigma social no que resulta lícito mercar mulleres enteiras ou por partes.

Vídeos das ponencias E MESAS DE DEBATE

Gravación das ponencias e mesas do Primeiro Congreso Feminista Mulleres En Loita celebrado en Teo (Galicia) os días 18 e 19 de novembro de 2023 e que levou por título Transhumanismo: deshumanización que normaliza a mercantilización da muller.

Transhumanismo: de teoría filosófica a novo paradigma social

Alicia Miyares, filósofa e experta nesta nova corrente de pensamento, explica en que consiste o transhumanismo, cal é a súa orixe, de que xeito afecta á axenda feminista, como se está instalando na sociedade, quen o promove e con que interese. En definitiva, como percibir ese filtro invisible que está mudando as propias nocións de ética e convertendo en dereitos o que noutros tempos era considerado un inaceptable ataque á dignidade e dereitos das mulleres.

Explotación reprodutiva: mercado transhumanista de seres humanos

Berta O. García expuxo na súa ponencia os estremecedores datos dun mercado baseado na explotación de mulleres para satisfacer desexos de transcendencia xenética baixo contrato e con especificacións de calidade.
Tamén expuxo como esta manifestación do transhumanismo vive un momento de expansión grazas a connivencia de administracións que se valen dunha situación de falta de contundencia legal para evitar a súa erradicación.

Irrupción do transhumanismo nas aulas

Participantes Ana Hidalgo e Silvia Carrasco, moderadora: Dolores Varela
Esta mesa debateu sobre os efectos que esta nova filosofía ten sobre unha nova xeración educada xa nos valores instaurados pola mesma. De que xeito se están filtrando nos espazos educativos e de relación de mozas e mozos consignas que contradín os principios da coeducación. En que medida contidos de carácter dogmático están desprazando ao pensamento científico no ámbito educativo e o papel que se esixe aos docentes como colaboradores obrigados nesta reformulación educativa.

Irrupción do transhumanismo nas aulas

Juana Gallego, profesora universitaria e experta en comunicación, falou nesta ponencia sobre o fenómeno de cancelación, non só do discurso feminista, senón da cancelación persoal que sufren as mulleres críticas co pensamento que pretende instalarse sen contestación social. De como os defensores do novo paradigma se sinten moralmente autorizados para silenciar o descurso de quen non comparta a súa visión, usando a ofensa como coartada para que a censura, o escrache, as ameazas e a persecución persoal se consideren ferramentas lexítimas.

A pegada transhumanista na lei

A produción normativa está a ser influenciada pola nova corrente de pensamento que pretende instalarse en tódolos ámbitos sociais e que redefine ao propio suxeito de dereito baseándose en consideracións non verificables, tendo un efecto directo nas garantías que a propia lei debe asegurar e deixando, nalgúns casos, sen efecto ferramentas legais que serviron como garante de dereitos da muller e da infancia. A xurista Paula Fraga, especialista en protección á infancia e dereito penal e de familia, abondou sobre estas novas leis e as consecuencias que a arbitrariedade creada por elas xa está a producir.

Irrupción do transhumanismo nas aulas

Participantes Ana Hidalgo e Silvia Carrasco, modera Uxía López.
Esta mesa debateu sobre os efectos que esta nova filosofía ten sobre unha nova xeración educada xa nos valores instaurados pola mesma. De que xeito se están filtrando nos espazos educativos e de relación de mozas e mozos consignas que contradín os principios da coeducación. En que medida contidos de carácter dogmático están desprazando ao pensamento científico no ámbito educativo e o papel que se esixe aos docentes como colaboradores obrigados nesta reformulación educativa.

Entrevista a Paula Dapena

Paula Dapena, futbolista e feminista, ofreceunos a súa propia experiencia para falarnos da coexistencia do machismo tradicional con novas ameazas para o deporte das mulleres, que poderían supoñer a progresiva expulsión das mesmas dos podios das súas categorías.